Şirkətin tarixi
Azərbaycanın lider quşçuluq müəssisələrindən biri olan "Qaraqaşlı Broyler" ASC "ŞƏFA" əmtəə nişanı ilə istehsal və satış etdiyi halal kəsilmiş toyuq məhsulları xalqımızın məmnuniyyətini qazanmışdır. Cəmiyyət 2004-cü ildə təsis edilmişdir. Cəmiyyətin bütün sahələrində əsaslı yenidənqurma və təmir işləri aparılmışdır. İstehsalat sahələrinə mərhələlərlə yeni müasir avadanlıqlar quraşdırılmışdır.
Neftçala və Salyan rayonlarında yerləşən istehsal sahəmizin tərkibinə: baytarlıq və biotəhlükəsizlik bölməsi, damazlıq yetişdirmə və anaclıq (yumurtama) sahəsi, inkubator sahəsi, yem istehsalı zavodu, broyler bəsləmə sahəsi, kəsim və paketləmə bölməsi, rendrinq (tullantıların emalı) fabriki, hazır məhsul saxlama anbarları daxildir. Bununla yanaşı Bakı şəhərində və regionlarda satış mərkəzləri, firma mağazaları müştərilərimizə xidmət göstərir.
Missiyamız
Biz, "QAYĞI İLƏ BƏSLƏDİK" devizi ilə sizə xidmət etməkdən məmnunuq.
Məqsədimiz
Məqsədimiz istehlaçılarımıza halal və keyfiyyətli toyuq əti istehsal etməklə bazardakı liderliyimizi davam etdirməkdir. Bununla yanaşı həm daxili bazarın quş əti tələbatını ödəmək, həm də daxili iqtisadiyyatın güclənməsinə öz töhvəmizi verməkdir. Bu istiqamətdə hər bir əməkdaşımız səylə çalışır.
Bu gün respublikamızda sahibkarlığın inkişafı ölkə rəhbərliyi tərəfindən böyük diqqət və qayğı ilə əhatə olunub və sahibkarlara uğurlu və səmərəli fəaliyyət göstərmək üçün dövlət tərəfindən hər cür dəstək verilir.
Digər sahələrlə yanaşı ölkəmizdə quşçuluq sektoru da sürətlə inkişaf edir. "Qaraqaşlı Broyler" ASC olaraq, bizim məqsədimiz qida sahəsində qabaqcıl bir şirkət kimi bazarda möhkəmlənmək, müştərilərimizin inamını və etimadını doğrultmaqdır.
Heydər Əsgərov Şirkətin direktoru
